hairat-talab ko kaam nahin hai kisu ke sath
hairat-talab ko kaam nahīñ hai kisū ke saath
jān-e-azīz abhī hai mirī aabrū ke saath
yak-rang-āshnā haiñ ḳharābāt hī ke log
sar mai-kashoñ ke phūTte dekhe subū ke saath
qumrī kā lohū paanī huā ek ishq meñ
aatā hai us kā ḳhūn-e-jigar āb-jū ke saath
ḳhālī nahīñ hai ḳhvāhish-e-dil se koī bashar
jaate haiñ sab jahān se yak aarzū ke saath
dam meñ hai dam jahāñ ta.iiñ garm-e-talāsh huuñ
sau pech-o-tāb rahte haiñ har ek mū ke saath
kyā iztirāb-e-ishq se maiñ harf-zan huuñ 'mīr'
muñh tak jigar to aane lagā guftugū ke saath
hairat-talab ko kaam nahin hai kisu ke sath
jaan-e-aziz abhi hai meri aabru ke sath
yak-rang-ashna hain KHarabaat hi ke log
sar mai-kashon ke phuTte dekhe subu ke sath
qumri ka lohu pani hua ek ishq mein
aata hai us ka KHun-e-jigar aab-ju ke sath
KHali nahin hai KHwahish-e-dil se koi bashar
jate hain sab jahan se yak aarzu ke sath
dam mein hai dam jahan tain garm-e-talash hun
sau pech-o-tab rahte hain har ek mu ke sath
kya iztirab-e-ishq se main harf-zan hun 'mir'
munh tak jigar to aane laga guftugu ke sath
- Book : MIRIYAAT - Diwan No- 4, Ghazal No- 1483
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.