is asiri ke na koi ai saba pale paDe

is asīrī ke na koī ai sabā paale paḌe

ik nazar gul dekhne ke bhī hameñ laale paḌe

husn ko bhī ishq ne āḳhir kiyā halqa-ba-gosh

rafta rafta dilbaroñ ke kaan meñ baale paḌe

mat nigāh-e-mast ko taklīf kar saaqī ziyād

har taraf to haiñ galī kūchoñ meñ matvāle paḌe

kyūñke tai ho dasht-e-shauq āḳhir ko mānind-e-sarishk

mere paañv meñ to pahle hī qadam chhāle paḌe

josh maarā ashk-e-ḳhūnīñ ne mire dil se zi-bas

ghar meñ hamsāyoñ ke shab lohū ke parnāle paḌe

haiñ ba-ainih vaise juuñ parda kare hai ankabūt

rote rote bas-ki merī āñkhoñ meñ jaale paḌe

garm-joshī se mire girye kī shab āñkhoñ kī raah

gosha-e-dāman meñ 'mīr' ātish ke parkāle paḌe

is asiri ke na koi ai saba pale paDe

ek nazar gul dekhne ke bhi hamein lale paDe

husn ko bhi ishq ne aaKHir kiya halqa-ba-gosh

rafta rafta dilbaron ke kan mein baale paDe

mat nigah-e-mast ko taklif kar saqi ziyaad

har taraf to hain gali kuchon mein matwale paDe

kyunke tai ho dasht-e-shauq aaKHir ko manind-e-sarishk

mere panw mein to pahle hi qadam chhaale paDe

josh mara ashk-e-KHunin ne mere dil se zi-bas

ghar mein hamsayon ke shab lohu ke parnale paDe

hain ba-ainih waise jun parda kare hai ankabut

rote rote bas-ki meri aankhon mein jale paDe

garm-joshi se mere girye ki shab aankhon ki rah

gosha-e-daman mein 'mir' aatish ke parkale paDe