ishq ki choTen pai-dar-pai jo uThai gain ghail hai dil

ishq kī choTeñ pai-dar-pai jo uThā.ī ga.iiñ ghā.il hai dil

yuuñ be-dam hai ab pahlū meñ juuñ said-e-bismil hai dil

ḳhuun huā hai chaak huā hai jalte jalte daaġh huā

ḳhvāhish is ko kyā hai baare kis ke liye be-dil hai dil

ishq kī bijlī aa ke girī so daaġh huā hai sar-tā-sar

kyā rove juuñ abr koī is mazra' kā hāsil hai dil

yuuñ to girah siine meñ hamāre dard-o-ġham kī ho ke rahā

kis se zāhir karte jā kar kaam bahut mushkil hai dil

āñkhoñ kī dekhā-dekhī hargiz dil ko us se na lagnā thā

jaisī sazā pahuñchāve koī ab us ke qābil hai dil

umr-e-insāñ raah to hai tashvīsh se tai hotī hai vale

dil ke ta.iiñ pahuñche jo koī chain kī phir manzil hai dil

shahd-e-lab se us ke chipkā jī kā sarfa kuchh na kiyā

'mīr' jo dekhā apne haq meñ kyā zahr-e-qātil hai dil

ishq ki choTen pai-dar-pai jo uThai gain ghail hai dil

yun be-dam hai ab pahlu mein jun said-e-bismil hai dil

KHun hua hai chaak hua hai jalte jalte dagh hua

KHwahish is ko kya hai bare kis ke liye be-dil hai dil

ishq ki bijli aa ke giri so dagh hua hai sar-ta-sar

kya rowe jun abr koi is mazra' ka hasil hai dil

yun to girah sine mein hamare dard-o-gham ki ho ke raha

kis se zahir karte ja kar kaam bahut mushkil hai dil

aankhon ki dekha-dekhi hargiz dil ko us se na lagna tha

jaisi saza pahunchawe koi ab us ke qabil hai dil

umr-e-insan rah to hai tashwish se tai hoti hai wale

dil ke tain pahunche jo koi chain ki phir manzil hai dil

shahd-e-lab se us ke chipka ji ka sarfa kuchh na kiya

'mir' jo dekha apne haq mein kya zahr-e-qatil hai dil