ishq ko jurat-o-jigar hai shart

ishq ko jur.at-o-jigar hai shart

zardī-e-rang-o-chashm-e-tar hai shart

be-ḳhabar haal se na rah mere

maiñ kahe rakhtā huuñ ḳhabar hai shart

haj ko jaave to shaiḳh ko le jā

ka.abe jaane ko ye bhī ḳhar hai shart

paisoñ par rījhte haiñ ye laḌke

ishq-e-sīmīñ-tanāñ ko zar hai shart

ḳhaam rahtā hai aadmī ghar meñ

puḳhta-kārī ke tiiñ safar hai shart

ḳhubs yāroñ kā kar fasānoñ meñ

aib karne ko bhī hunar hai shart

la.al-pāre haiñ 'mīr' laḳht-e-jigar

dekh kar ḳhuun ro nazar hai shart

ishq ko jurat-o-jigar hai shart

zardi-e-rang-o-chashm-e-tar hai shart

be-KHabar haal se na rah mere

main kahe rakhta hun KHabar hai shart

haj ko jawe to shaiKH ko le ja

kabe jaane ko ye bhi KHar hai shart

paison par rijhte hain ye laDke

ishq-e-simin-tanan ko zar hai shart

KHam rahta hai aadmi ghar mein

puKHta-kari ke tin safar hai shart

KHubs yaron ka kar fasanon mein

aib karne ko bhi hunar hai shart

lal-pare hain 'mir' laKHt-e-jigar

dekh kar KHun ro nazar hai shart