jae hai ji najat ke gham mein

jaa.e hai jī najāt ke ġham meñ

aisī jannat ga.ī jahannam meñ

naza.a meñ mere ek dam Thahro

dam abhī haiñ hazār ik dam meñ

na.al ham chhātiyoñ pe jaḌ ke phire

apne ḳhūñ-gashta dil ke mātam meñ

hai bahut jeb-chākī hī juuñ sub.h

kyā kiyā jaa.e fursat-e-kam meñ

par ke thī be-kalī qafas meñ bahut

dekhiye ab ke gul ke mausam meñ

aap meñ ham nahīñ to kyā hai ajab

duur us se rahā hai kyā ham meñ

be-ḳhudī par na 'mīr' kī jaao

tum ne dekhā hai aur aalam meñ

jae hai ji najat ke gham mein

aisi jannat gai jahannam mein

naza mein mere ek dam Thahro

dam abhi hain hazar ek dam mein

nal hum chhatiyon pe jaD ke phire

apne KHun-gashta dil ke matam mein

hai bahut jeb-chaaki hi jun subh

kya kiya jae fursat-e-kam mein

par ke thi be-kali qafas mein bahut

dekhiye ab ke gul ke mausam mein

aap mein hum nahin to kya hai ajab

dur us se raha hai kya hum mein

be-KHudi par na 'mir' ki jao

tum ne dekha hai aur aalam mein