jab nasim-e-sahar udhar ja hai

jab nasīm-e-sahar udhar jā hai

ek sannāhaTā guzar jā hai

kyā us ā.īna-rū se kahiye haa.e

vo zabāñ kar ke phir mukar jā hai

jab se samjhā ki ham chalā.ū haiñ

hāl-pursī Tuk aa ke kar jā hai

vo khule baal sove hai shāyad

raat ko jī mirā bikhar jā hai

duur agarche gayā huuñ maiñ jī se

kab vatan mere ye ḳhabar jā hai

vo agar chit chaḌhā rahā aisā

āj-kal jī se mah utar jā hai

jī nahīñ 'mīr' meñ na bolo tund

baat kahte abhī vo mar jā hai

jab nasim-e-sahar udhar ja hai

ek sannahaTa guzar ja hai

kya us aaina-ru se kahiye hae

wo zaban kar ke phir mukar ja hai

jab se samjha ki hum chalau hain

haal-pursi Tuk aa ke kar ja hai

wo khule baal sowe hai shayad

raat ko ji mera bikhar ja hai

dur agarche gaya hun main ji se

kab watan mere ye KHabar ja hai

wo agar chit chaDha raha aisa

aaj-kal ji se mah utar ja hai

ji nahin 'mir' mein na bolo tund

baat kahte abhi wo mar ja hai