kar-e-dil us mah-e-tamam se hai

kār-e-dil us mah-e-tamām se hai

kāhish ik roz mujh ko shaam se hai

tum nahīñ fitna-sāz sach sāhib

shahr pur-shor is ġhulām se hai

bosa le kar sarak gayā kal maiñ

kuchh kaho kaam apne kaam se hai

koī tujh sā bhī kaash tujh ko mile

mudda.ā ham ko intiqām se hai

kab vo maġhrūr ham se mil baiThā

nang jis ko hamāre naam se hai

ḳhush sar-anjām ve hī haiñ jin ko

iqtidā avvalīñ imaam se hai

sher mere haiñ sab ḳhavās-pasand

par mujhe guftugū avaam se hai

shaitanat se nahīñ hai ḳhālī shaiḳh

us kī paidā.ish ahtelām se hai

sar jhukā.ūñ to aur TeḌhe ho

kyā tumheñ chiḌ mire salām se hai

sahl hai 'mīr' kā samajhnā kyā

har suḳhan is kā ik maqām se hai

kar-e-dil us mah-e-tamam se hai

kahish ek roz mujh ko sham se hai

tum nahin fitna-saz sach sahib

shahr pur-shor is ghulam se hai

bosa le kar sarak gaya kal main

kuchh kaho kaam apne kaam se hai

koi tujh sa bhi kash tujh ko mile

muddaa hum ko intiqam se hai

kab wo maghrur hum se mil baiTha

nang jis ko hamare nam se hai

KHush sar-anjam we hi hain jin ko

iqtida awwalin imam se hai

sher mere hain sab KHawas-pasand

par mujhe guftugu awam se hai

shaitanat se nahin hai KHali shaiKH

us ki paidaish ahtelam se hai

sar jhukaun to aur TeDhe ho

kya tumhein chiD mere salam se hai

sahl hai 'mir' ka samajhna kya

har suKHan is ka ek maqam se hai