kabhu mir is taraf aa kar jo chhati kuT jata hai

kabhū 'mīr' is taraf aa kar jo chhātī kuuT jaatā hai

ḳhudā shāhid hai apnā to kalejā TuuT jaatā hai

ḳharābī dil kī kyā amboh-e-dard-o-ġham se pūchho ho

vahī hālat hai jaise shahr lashkar luuT jaatā hai

shikast is rang aa.ī be-ḳhudī-e-ishq meñ dil par

nashe meñ mast se jaise ki shīsha phuuT jaatā hai

na yuuñ hove ki uTh jā.ūñ ki hai afsos kī jāgah

jab aisā tā.ir-e-ḳhush-lahja phañs kar chhūT jaatā hai

nahīñ kuchh aql meñ aatā ki dīvāna sā 'mīr' īdhar

kabhū aatā jo hai kīdhar ko maare zuuT jaatā hai

kabhu 'mir' is taraf aa kar jo chhati kuT jata hai

KHuda shahid hai apna to kaleja TuT jata hai

KHarabi dil ki kya amboh-e-dard-o-gham se puchho ho

wahi haalat hai jaise shahr lashkar luT jata hai

shikast is rang aai be-KHudi-e-ishq mein dil par

nashe mein mast se jaise ki shisha phuT jata hai

na yun howe ki uTh jaun ki hai afsos ki jagah

jab aisa tair-e-KHush-lahja phans kar chhuT jata hai

nahin kuchh aql mein aata ki diwana sa 'mir' idhar

kabhu aata jo hai kidhar ko mare zuT jata hai