KHanda bajae girya-o-andoh-o-ah kar

ḳhanda bajā.e girya-o-andoh-o-āh kar

mātam-kade ko dahr ke tū aish-gāh kar

kyā dekhtā hai har ghaḌī apnī hī saj ko shoḳh

āñkhoñ meñ jaan aa.ī hai īdhar nigāh kar

rahmat agar yaqīnī hai to kyā hai zohd shaiḳh

ai bevaqūf jā-e-ibādat gunāh kar

chhoḌ ab tarīq-e-jaur ko ai bevafā samajh

nibhtī nahīñ ye chaal kisū dil meñ raah kar

chaspīdagī-e-dāġh se mat muñh ko apne moḌ

ai zaḳhm-e-kohnā dil se hamāre nibāh kar

jiite jī mere lene na paave tapish bhī dam

itnī to sa.ī tū bhī jigar ḳhvā-maḳhvāh kar

is vaqt hai duā-o-ijābat kā vasl 'mīr'

yak na.ara tū bhī peshkash-e-sub.h-gāh kar

KHanda bajae girya-o-andoh-o-ah kar

matam-kade ko dahr ke tu aish-gah kar

kya dekhta hai har ghaDi apni hi saj ko shoKH

aankhon mein jaan aai hai idhar nigah kar

rahmat agar yaqini hai to kya hai zohd shaiKH

ai bewaquf ja-e-ibaadat gunah kar

chhoD ab tariq-e-jaur ko ai bewafa samajh

nibhti nahin ye chaal kisu dil mein rah kar

chaspidagi-e-dagh se mat munh ko apne moD

ai zaKHm-e-kohna dil se hamare nibah kar

jite ji mere lene na pawe tapish bhi dam

itni to sai tu bhi jigar KHwa-maKHwah kar

is waqt hai dua-o-ijabat ka wasl 'mir'

yak nara tu bhi peshkash-e-subh-gah kar