kiya ghairat se dil par tang ranj-o-gham ne duniya ko

kiyā ġhairat se dil par tang ranj-o-ġham ne duniyā ko

bas ab to khul ga.iiñ haiñ āñkheñ dekhā ham ne duniyā ko

rahā hai ek aalam aur duniyā-dāroñ meñ us kā

kiyā hai bevafā ma.alūm sab aalam ne duniyā ko

hamesha ronā kuḌhnā sīna-kūbī har zamāñ karnā

azā-ḳhāna kiyā dil ke mire mātam ne duniyā ko

sunā maiñ ne ki āḳhir haath uThāyā us ne duniyā se

agar paayā bhī mehnat kar kisū hamdam ne duniyā ko

zamīñ se āsmāñ tak 'mīr' hai shor-e-junūñ merā

tah-o-bālā kiyā donoñ meñ is ūdham ne duniyā ko

kiya ghairat se dil par tang ranj-o-gham ne duniya ko

bas ab to khul gain hain aankhen dekha hum ne duniya ko

raha hai ek aalam aur duniya-daron mein us ka

kiya hai bewafa malum sab aalam ne duniya ko

hamesha rona kuDhna sina-kubi har zaman karna

aza-KHana kiya dil ke mere matam ne duniya ko

suna main ne ki aaKHir hath uThaya us ne duniya se

agar paya bhi mehnat kar kisu hamdam ne duniya ko

zamin se aasman tak 'mir' hai shor-e-junun mera

tah-o-baala kiya donon mein is udham ne duniya ko