kya kya jahan asar tha so ab wan ayan nahin

kyā kyā jahāñ asar thā so ab vaañ ayaañ nahīñ

jin ke nishāñ the fīloñ par un kā nishāñ nahīñ

daftar bane kahānī banī masnavī huī

kyā sharh-e-soz-e-ishq karūñ maiñ zabāñ nahīñ

apnā hī haath sar pe rahā apne yaañ sadā

mushfiq koī nahīñ hai koī mehrbāñ nahīñ

hangāma-o-fasād kī baa.is hai vo kamar

phir aap ḳhuub dekhiye to darmiyāñ nahīñ

jī hī nikal gayā jo gayā yaar paas se

jism-e-za.īf-o-zār meñ ab mere jaañ nahīñ

hai ishq hī se chaar taraf bahs-o-guftugū

shor is balā-e-jāñ kā jahāñ meñ kahāñ nahīñ

is ahd ko na jāniye aglā sā ahd 'mīr'

vo daur ab nahīñ vo zamīñ āsmāñ nahīñ

kya kya jahan asar tha so ab wan ayan nahin

jin ke nishan the filon par un ka nishan nahin

daftar bane kahani bani masnawi hui

kya sharh-e-soz-e-ishq karun main zaban nahin

apna hi hath sar pe raha apne yan sada

mushfiq koi nahin hai koi mehrban nahin

hangama-o-fasad ki bais hai wo kamar

phir aap KHub dekhiye to darmiyan nahin

ji hi nikal gaya jo gaya yar pas se

jism-e-zaif-o-zar mein ab mere jaan nahin

hai ishq hi se chaar taraf bahs-o-guftugu

shor is bala-e-jaan ka jahan mein kahan nahin

is ahd ko na jaaniye agla sa ahd 'mir'

wo daur ab nahin wo zamin aasman nahin