mahraman be-dami ka meri sabab mat puchho

mahramāñ be-damī kā merī sabab mat pūchho

ek dam chhoḌ do yūñhī mujhe ab mat pūchho

girya-e-sham.a kā ai ham-nafasāñ maiñ thā harīf

guzrī hai raat kī sohbat bhī ajab mat pūchho

sar-e-pur-shor se mere na karo koī savāl

hashr the dāḳhil-e-ḳhuddām-e-adab mat pūchho

lab pe shevan mizha par ḳhuun o nigah meñ ik yaas

din gayā hijr kā jis Dhang se shab mat pūchho

'mīr' sāhib na.ī ye tarz ho us kī to kahūñ

mūjib āzurdagī kā vajh-e-ġhazab mat pūchho

mahraman be-dami ka meri sabab mat puchho

ek dam chhoD do yunhi mujhe ab mat puchho

girya-e-shama ka ai ham-nafasan main tha harif

guzri hai raat ki sohbat bhi ajab mat puchho

sar-e-pur-shor se mere na karo koi sawal

hashr the daKHil-e-KHuddam-e-adab mat puchho

lab pe shewan mizha par KHun o nigah mein ek yas

din gaya hijr ka jis Dhang se shab mat puchho

'mir' sahib nai ye tarz ho us ki to kahun

mujib aazurdagi ka wajh-e-ghazab mat puchho