munh taka hi kare hai jis tis ka
muñh takā hī kare hai jis tis kā
hairatī hai ye ā.īna kis kā
shaam se kuchh bujhā sā rahtā huuñ
dil huā hai charāġh muflis kā
the bure muġhbachoñ ke tevar lek
shaiḳh mai-ḳhāne se bhalā khiskā
daaġh āñkhoñ se khil rahe haiñ sab
haath dasta huā hai nargis kā
bahr kam-zarf hai basān-e-habāb
kāsa-lais ab huā hai tū jis kā
faiz ai abr chashm-e-tar se uThā
aaj dāman vasī.a hai is kā
taab kis ko jo hāl-e-'mīr' sune
haal hī aur kuchh hai majlis kā
munh taka hi kare hai jis tis ka
hairati hai ye aaina kis ka
sham se kuchh bujha sa rahta hun
dil hua hai charagh muflis ka
the bure mughbachon ke tewar lek
shaiKH mai-KHane se bhala khiska
dagh aankhon se khil rahe hain sab
hath dasta hua hai nargis ka
bahr kam-zarf hai basan-e-habab
kasa-lais ab hua hai tu jis ka
faiz ai abr chashm-e-tar se uTha
aaj daman wasia hai is ka
tab kis ko jo haal-e-'mir' sune
haal hi aur kuchh hai majlis ka
- Book : MIRIYAAT - Diwan No- 1, Ghazal No- 0012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
