sab haal se be-KHabar hain yan to
sab haal se be-ḳhabar haiñ yaañ to
barham-zada shahr hai jahāñ to
is tan pe nisār karte lekin
apnī bhī nazar meñ Thahre jaañ to
barbād na de kahīñ sarāsar
rahtī nahīñ sham.a-sāñ zabāñ to
kyā us ke ga.e hai zikr dil kā
vīrān paḌā hai ye makāñ to
kyā kyā na aziiz ḳhvār hoñge
hone do use abhī javāñ to
ġhuncha lage muñh tumhāre lekin
sohbat kā use bhī ho dahāñ to
kyā us se rakheñ umīd-e-bahbūd
phirtā hai ḳharāb āsmāñ to
ye tāle-e-nā-rasā bhī jāgeñ
so jaa.e Tuk us kā pāsbāñ to
mat turbat-e-'mīr' ko miTāo
rahne do ġharīb kā nishāñ to
sab haal se be-KHabar hain yan to
barham-zada shahr hai jahan to
is tan pe nisar karte lekin
apni bhi nazar mein Thahre jaan to
barbaad na de kahin sarasar
rahti nahin shama-san zaban to
kya us ke gae hai zikr dil ka
viran paDa hai ye makan to
kya kya na aziz KHwar honge
hone do use abhi jawan to
ghuncha lage munh tumhaare lekin
sohbat ka use bhi ho dahan to
kya us se rakhen umid-e-bahbud
phirta hai KHarab aasman to
ye tale-e-na-rasa bhi jagen
so jae Tuk us ka pasban to
mat turbat-e-'mir' ko miTao
rahne do gharib ka nishan to
- Book : MIRIYAAT - Diwan No- 2, Ghazal No- 0911
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.