taDpe hai gham-zada dil lawega tab kyunkar
taḌpe hai ġham-zada dil lāvegā taab kyūñkar
ḳhūñ-basta haiñgī āñkheñ āvegī ḳhvāb kyūñkar
pur-nā-tavāñ huuñ mujh par bhārī hai jī hī apnā
mujh se uTheñge us ke nāz-o-itāb kyūñkar
is bahr meñ hai miTnā shakl-e-habāb har dam
ubhrā rahe hamesha naqsh-e-pur-āb kyūñkar
paanī ke dhoke pyāse kyā kyā aziiz maare
sar par na ḳhaak Daale apne sarāb kyūñkar
āb-e-ravāñ na thā kuchh vo lutf-e-zindagānī
jaatī rahī javānī apnī shitāb kyūñkar
siine meñ mere kab se ik señk hī rahe hai
qalb-o-kabid na hoveñ donoñ kabāb kyūñkar
shallāq-ḳhvārī kī thī ḳhajlat jo kuchh na bolā
muñh kyā hai nāma-bar kā nikle javāb kyūñkar
soz-e-dil-o-jigar se jaltā hai tan-badan sab
maiñ kyā koī ho khīñche aise azaab kyūñkar
chehra kitābī us kā majmūa 'mīr' kā hai
ik harf us dahan kā hotā kitāb kyūñkar
taDpe hai gham-zada dil lawega tab kyunkar
KHun-basta haingi aankhen aawegi KHwab kyunkar
pur-na-tawan hun mujh par bhaari hai ji hi apna
mujh se uThenge us ke naz-o-itab kyunkar
is bahr mein hai miTna shakl-e-habab har dam
ubhra rahe hamesha naqsh-e-pur-ab kyunkar
pani ke dhoke pyase kya kya aziz mare
sar par na KHak Dale apne sarab kyunkar
aab-e-rawan na tha kuchh wo lutf-e-zindagani
jati rahi jawani apni shitab kyunkar
sine mein mere kab se ek senk hi rahe hai
qalb-o-kabid na howen donon kabab kyunkar
shallaq-KHwari ki thi KHajlat jo kuchh na bola
munh kya hai nama-bar ka nikle jawab kyunkar
soz-e-dil-o-jigar se jalta hai tan-badan sab
main kya koi ho khinche aise azab kyunkar
chehra kitabi us ka majmua 'mir' ka hai
ek harf us dahan ka hota kitab kyunkar
- Book : MIRIYAAT - Diwan No- 5, Ghazal No- 1614
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.