tujhe bhi yar apna yun to hum har bar kahte hain
tujhe bhī yaar apnā yuuñ to ham har baar kahte haiñ
vale kam haiñ bahut ve log jin ko yaar kahte haiñ
jahāñ ke mastabe meñ mast-e-tāfeh hī nazar aa.e
na thā is daur meñ aayā jise hushiyār kahte haiñ
samajh kar zikr kar āsūdgī kā mujh se ai nāseh
vo maiñ hī huuñ ki jis ko ‘āfiyat-bezār kahte haiñ
musāfir hove jī us kā ḳhirāmāñ dekh kar tujh ko
jise mere vatan meñ kabk-e-ḳhush-raftār kahte haiñ
qaaf
ma'āz-allāh daḳhl-e-kufr ho islām meñ kyoñ hī
ġhalat aur poch nā-mā’qūl bā’ze yaar kahte haiñ
'alam ko kab hai vajh-e-tasmiya lāzim samajh dekho
sulaimānī meñ kyā zunnār hai zunnār kahte haiñ
tirī āñkhoñ ko aa.uuñ dekhne maiñ to 'ajab mat kar
ki behtar hai 'ayādat aur unheñ bīmār kahte haiñ
'ajab hote haiñ shā'ir bhī maiñ us firqe kā 'āshiq huuñ
ki be-dhaḌke bharī majlis meñ ye asrār kahte haiñ
maze in ke uḌā lekin na ye samjheñ to behtar hai
ki ḳhūbāñ bhī bahut apne ta.iiñ 'ayyār kahte haiñ
sag-e-kū 'mīr' maiñ us sher-e-haq kā huuñ ki jis ko sab
nabī kā ḳhvesh-o-bhā.ī haidar-e-karrār kahte haiñ
tujhe bhi yar apna yun to hum har bar kahte hain
wale kam hain bahut we log jin ko yar kahte hain
jahan ke mastabe mein mast-e-tafeh hi nazar aae
na tha is daur mein aaya jise hushiyar kahte hain
samajh kar zikr kar aasudgi ka mujh se ai naseh
wo main hi hun ki jis ko ‘afiyat-bezar kahte hain
musafir howe ji us ka KHiraman dekh kar tujh ko
jise mere watan mein kabk-e-KHush-raftar kahte hain
qaf
ma'az-allah daKHl-e-kufr ho islam mein kyon hi
ghalat aur poch na-ma’qul ba’ze yar kahte hain
'alam ko kab hai wajh-e-tasmiya lazim samajh dekho
sulaimani mein kya zunnar hai zunnar kahte hain
teri aankhon ko aaun dekhne main to 'ajab mat kar
ki behtar hai 'ayaadat aur unhen bimar kahte hain
'ajab hote hain sha'ir bhi main us firqe ka 'ashiq hun
ki be-dhaDke bhari majlis mein ye asrar kahte hain
maze in ke uDa lekin na ye samjhen to behtar hai
ki KHuban bhi bahut apne tain 'ayyar kahte hain
sag-e-ku 'mir' main us sher-e-haq ka hun ki jis ko sab
nabi ka KHwesh-o-bhai haidar-e-karrar kahte hain
- Book : MIRIYAAT - Diwan No- 1, Ghazal No- 0344
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.