wo rabta nahin wo mohabbat nahin rahi

vo rābta nahīñ vo mohabbat nahīñ rahī

us bevafā ko ham se kuchh ulfat nahīñ rahī

dekhā to misl-e-ashk nazar se girā diyā

ab merī us kī aañkh meñ izzat nahīñ rahī

ruñdhne se jī ke kis ko rahā hai dimāġh-e-harf

dam lene kī bhī ham ko to fursat nahīñ rahī

thī taab jī meñ jab ta.iiñ ranj-o-ta.ab khiñche

vo jism ab nahīñ hai vo qudrat nahīñ rahī

mun.im amal kā tuul ye kis jiine ke liye

jitnī ga.ī ab utnī to muddat nahīñ rahī

dīvāngī se apnī hai ab saarī baat ḳhabt

ifrāt-e-ishtiyāq se vo mat nahīñ rahī

paidā kahāñ haiñ aise parāganda-tab.a log

afsos tum ko 'mīr' se sohbat nahīñ rahī

wo rabta nahin wo mohabbat nahin rahi

us bewafa ko hum se kuchh ulfat nahin rahi

dekha to misl-e-ashk nazar se gira diya

ab meri us ki aankh mein izzat nahin rahi

rundhne se ji ke kis ko raha hai dimagh-e-harf

dam lene ki bhi hum ko to fursat nahin rahi

thi tab ji mein jab tain ranj-o-tab khinche

wo jism ab nahin hai wo qudrat nahin rahi

munim amal ka tul ye kis jine ke liye

jitni gai ab utni to muddat nahin rahi

diwangi se apni hai ab sari baat KHabt

ifraat-e-ishtiyaq se wo mat nahin rahi

paida kahan hain aise paraganda-taba log

afsos tum ko 'mir' se sohbat nahin rahi