ye raftagi bhi hoti hai ji hi chala gaya
ye raftagī bhī hotī hai jī hī chalā gayā
kal hāl-e-'mīr' dekh ke ġhash mujh ko aa gayā
kyā kahiye ek umr meñ ve lab hile the kuchh
so baat paan khāte hue vo chabā gayā
sābit hai us ke pahlū se pahuñche hai ham ko ranj
dekhā na dard dil ke kahe sar jhukā gayā
nālāñ hai andalīb gul āshufta rafta sarv
Tuk baiTh kar chaman meñ vo fitna uThā gayā
paḌhtā thā maiñ to sub.ha liye haath meñ darūd
salvāteñ mujh ko aa ke vo nāhaq sunā gayā
rakhnā nishān qabr kā merī na ḳhush kiyā
aaya so aur ḳhaak meñ mujh ko milā gayā
munsif ho tū hī shaiḳh ki us mast-e-nāz bin
ham aap se bhalā ga.e tujh se rahā gayā
hargiz bujhī na sar se lagī aah ishq meñ
mānind-e-sham.a daaġh hī sab ham ko khā gayā
kyoñ maiñ kahā ki hañs ke namak zaḳhm par chhiḌak
be-lutf us ke hone meñ saarā maza gayā
aañsū to Dar se pī ga.e lekin vo qatra aab
ik aag tan badan meñ hamāre lagā gayā
vaqt-e-aḳhīr kyā ye adā thī ki ġhash se maiñ
jab aañkh kholī bāloñ meñ muñh ko chhupā gayā
kyā pūchhte ho daaġh kiyā marg-e-'mīr' ne
mar kar vo sīna-soḳhta chhātī jalā gayā
ye raftagi bhi hoti hai ji hi chala gaya
kal haal-e-'mir' dekh ke ghash mujh ko aa gaya
kya kahiye ek umr mein we lab hile the kuchh
so baat pan khate hue wo chaba gaya
sabit hai us ke pahlu se pahunche hai hum ko ranj
dekha na dard dil ke kahe sar jhuka gaya
nalan hai andalib gul aashufta rafta sarw
Tuk baiTh kar chaman mein wo fitna uTha gaya
paDhta tha main to subha liye hath mein darud
salwaten mujh ko aa ke wo nahaq suna gaya
rakhna nishan qabr ka meri na KHush kiya
aaya so aur KHak mein mujh ko mila gaya
munsif ho tu hi shaiKH ki us mast-e-naz bin
hum aap se bhala gae tujh se raha gaya
hargiz bujhi na sar se lagi aah ishq mein
manind-e-shama dagh hi sab hum ko kha gaya
kyon main kaha ki hans ke namak zaKHm par chhiDak
be-lutf us ke hone mein sara maza gaya
aansu to Dar se pi gae lekin wo qatra aab
ek aag tan badan mein hamare laga gaya
waqt-e-aKHir kya ye ada thi ki ghash se main
jab aankh kholi baalon mein munh ko chhupa gaya
kya puchhte ho dagh kiya marg-e-'mir' ne
mar kar wo sina-soKHta chhati jala gaya
- Book : MIRIYAAT - Diwan No- 2, Ghazal No- 0722
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.