aaj kuchh karna hai izhaar rasul-e-‘arabi

aaj kuchh karnā hai iz.hār rasūl-e-'arabī

suniye yā-ahmad-e-muḳhtār rasūl-e-'arabī

aap kī ummat-e-'āsī hai baḌī zahmat meñ

in meñ har shaḳhs hai ab ḳhvār rasūl-e-'arabī

in meñ baaqī hai na 'izzat na tamaddun na vaqār

ye to sab ho chuke bekār rasūl-e-'arabī

daulat-e-dīn hai in meñ na to duniyā baaqī

in meñ har zaat hai nādār rasūl-e-'arabī

zinda ye haiñ to magar ziist kā kuchh lutf nahīñ

ziist se ab haiñ ye bezār rasūl-e-'arabī

aap ke hukm ko in sab ne bhulāyā hai huzūr

is kā sab karte haiñ iqrār rasūl-e-'arabī

ye bure haiñ ki bhale aap kī ummat haiñ zarūr

nigah-e-lutf hai darkār rasūl-e-'arabī

aap se ham na kaheñ jā ke to phir kis se kaheñ

aap 'ālam ke haiñ muḳhtār rasūl-e-'arabī

aaj kuchh karna hai izhaar rasul-e-'arabi

suniye ya-ahmad-e-muKHtar rasul-e-'arabi

aap ki ummat-e-'asi hai baDi zahmat mein

in mein har shaKHs hai ab KHwar rasul-e-'arabi

in mein baqi hai na 'izzat na tamaddun na waqar

ye to sab ho chuke bekar rasul-e-'arabi

daulat-e-din hai in mein na to duniya baqi

in mein har zat hai nadar rasul-e-'arabi

zinda ye hain to magar zist ka kuchh lutf nahin

zist se ab hain ye bezar rasul-e-'arabi

aap ke hukm ko in sab ne bhulaya hai huzur

is ka sab karte hain iqrar rasul-e-'arabi

ye bure hain ki bhale aap ki ummat hain zarur

nigah-e-lutf hai darkar rasul-e-'arabi

aap se hum na kahen ja ke to phir kis se kahen

aap 'alam ke hain muKHtar rasul-e-'arabi