ab to meri taqdir bana den mere aaqa

ab to mirī taqdīr banā deñ mire aaqā

mujh ko bhī madīne meñ bulā leñ mire aaqā

taiba-safarī kā mujhe e'zāz 'atā ho

vīrāñ mirī hastī ko sañvāreñ mire aaqā

ho lutf ki bas yaad rahe mujh ko sadāqat

janjāl haiñ duniyā kī ye rasmeñ mire aaqā

bas aap kī mid.hat ke sivā kuchh na rahe yaad

khul jaa.eñ mire zehn kī girheñ mire aaqā

maiñ 'adl ke qābil to nahīñ mujh ko ḳhabar hai

'aasī sahī dāman meñ chhupā leñ mire aaqā

mil jaa.e agar tāb-e-nazar mujh ko to fauran

haq-āshnā ruḳhsār dikhā deñ mire aaqā

kaisā bhī sahī aap ke dar kā to gadā hai

'abrār' pe jag ko na hañsā.eñ mire aaqā

ab to meri taqdir bana den mere aaqa

mujh ko bhi madine mein bula len mere aaqa

taiba-safari ka mujhe e'zaz 'ata ho

viran meri hasti ko sanwaren mere aaqa

ho lutf ki bas yaad rahe mujh ko sadaqat

janjal hain duniya ki ye rasmen mere aaqa

bas aap ki midhat ke siwa kuchh na rahe yaad

khul jaen mere zehn ki girhen mere aaqa

main 'adl ke qabil to nahin mujh ko KHabar hai

'asi sahi daman mein chhupa len mere aaqa

mil jae agar tab-e-nazar mujh ko to fauran

haq-ashna ruKHsar dikha den mere aaqa

kaisa bhi sahi aap ke dar ka to gada hai

'abrar' pe jag ko na hansaen mere aaqa