ai mere pak payambar ai shah-e-jinn-o-bashar

ai mire paak payambar ai shah-e-jinn-o-bashar

nahīñ duniyā meñ koī terā nazīr-o-ham-sar

tū mirī jaan mirī shaan mirī izzat hai

merā īmān mirā maan mirī nisbat hai

merā sammān mirā gyaan mirī daulat hai

ahl-e-islām kā iklautā hai tū hī dilbar

ai mire paak payambar ai shah-e-jinn-o-bashar

qatra-qatra hai jahāñ aur samundar hai tū

ahl-e-īmāñ ke liye sāqī-e-kausar hai tū

ham gunahgār haiñ aur shāfa-e-mahshar hai tū

saare insānoñ kā jinnoñ kā tū hī hai rahbar

ai mire paak payambar ai shah-e-jinn-o-bashar

tire taiba kī ziyārat hī sa.ādat hai mirī

terī har aan ġhulāmī meñ siyādat hai mirī

zikr karnā tirā har dam yahī aadat hai mirī

saare aalam meñ nahīñ koī bhī tujh se behtar

ai mire paak payambar ai shah-e-jinn-o-bashar

ai mubashshir ai moallim ai rasūl-e-rahmat

jān-e-ehsān ḳhush-andāz sarāpā-rāhat

tū mohabbat tū sharāfat tū mukammal barakat

hashr meñ terī shafā.at se sañvar jaa.e safar

ai mire paak payambar ai shah-e-jinn-o-bashar

ek ik baat tirī vah.y-e-ḳhudā hotī hai

saarī maḳhlūq ko ḳhāliq kī nidā hotī hai

baat haq hī tire hoñToñ se adā hotī hai

tujh pe qurbān haiñ 'kāshif' ke dil-o-jān-o-jigar

ai mire paak payambar ai shah-e-jinn-o-bashar

ai mere pak payambar ai shah-e-jinn-o-bashar

nahin duniya mein koi tera nazir-o-ham-sar

tu meri jaan meri shan meri izzat hai

mera iman mera man meri nisbat hai

mera samman mera gyan meri daulat hai

ahl-e-islam ka iklauta hai tu hi dilbar

ai mere pak payambar ai shah-e-jinn-o-bashar

qatra-qatra hai jahan aur samundar hai tu

ahl-e-iman ke liye saqi-e-kausar hai tu

hum gunahgar hain aur shafa-e-mahshar hai tu

sare insanon ka jinnon ka tu hi hai rahbar

ai mere pak payambar ai shah-e-jinn-o-bashar

tere taiba ki ziyarat hi saadat hai meri

teri har aan ghulami mein siyaadat hai meri

zikr karna tera har dam yahi aadat hai meri

sare aalam mein nahin koi bhi tujh se behtar

ai mere pak payambar ai shah-e-jinn-o-bashar

ai mubashshir ai moallim ai rasul-e-rahmat

jaan-e-ehsan KHush-andaz sarapa-rahat

tu mohabbat tu sharafat tu mukammal barakat

hashr mein teri shafaat se sanwar jae safar

ai mere pak payambar ai shah-e-jinn-o-bashar

ek ek baat teri wahy-e-KHuda hoti hai

sari maKHluq ko KHaliq ki nida hoti hai

baat haq hi tere honTon se ada hoti hai

tujh pe qurban hain 'kashif' ke dil-o-jaan-o-jigar

ai mere pak payambar ai shah-e-jinn-o-bashar