faqon mein bandha peT pe patthar na milega

fāqoñ meñ bañdhā peT pe patthar na milegā

sarkār-e-do-‘ālam sā payambar na milegā

tauhīd ke jalvoñ se munavvar na milegā

kā'be kī tarah aur koī ghar na milegā

un ke ġham-e-furqat kā hai maftūh mirā dil

mujh jaisā muqaddar kā sikandar na milegā

ai munharif-e-dīn ba-juz zāt-e-mohammad

mahshar meñ tujhe shāfe'-e-mahshar na milegā

ai daur-e-ḳhurāfāt ke bahke hue logo

chhoḌā dar-e-sarkār to phir dar na milegā

insān ke paikar meñ haiñ vo nūr-e-mujassam

aisā kisī insān kā paikar na milegā

har samt madīne meñ hai anvār kī bārish

nazroñ ko kahīñ aur ye manzar na milegā

har ek nafas sarf karo nā’t-e-nabī meñ

phir vaqt dubāra tumheñ 'aḳhtar' na milegā

faqon mein bandha peT pe patthar na milega

sarkar-e-do-‘alam sa payambar na milega

tauhid ke jalwon se munawwar na milega

ka'be ki tarah aur koi ghar na milega

un ke gham-e-furqat ka hai maftuh mera dil

mujh jaisa muqaddar ka sikandar na milega

ai munharif-e-din ba-juz zat-e-mohammad

mahshar mein tujhe shafe'-e-mahshar na milega

ai daur-e-KHurafat ke bahke hue logo

chhoDa dar-e-sarkar to phir dar na milega

insan ke paikar mein hain wo nur-e-mujassam

aisa kisi insan ka paikar na milega

har samt madine mein hai anwar ki barish

nazron ko kahin aur ye manzar na milega

har ek nafas sarf karo na’t-e-nabi mein

phir waqt dubara tumhein 'aKHtar' na milega