فضل اتنا مرے آقا مرے سرور کر دیں

فضل اتنا مرے آقا مرے سرور کر دیں

مجھ کو یک ذرۂ طیبہ کے برابر کر دیں

ہم نہ عطار نہ خوشبو کے ہیں تاجر ہم تو

نعت کے شعر پڑھیں بزم معطر کر دیں

عرش والوں میں انہیں یاد کیا جاتا ہے

فرش والے جو کہیں ذکر پیمبر کر دیں

تم کو لینا ہے اگر قرطبۂ ہند تو آؤ

ان بڑی چھوٹی لکیروں کو برابر کر دیں

عشق کہتے ہیں اسے تین سو تیرہ اٹھ کر

پرچم دین نبی عرش برابر کر دیں

منزلوں دور مدینے سے صدا آئی ہوشؔ

دشمن دیں کی طرف ساریہ لشکر کر دیں