fazl itna mere aaqa mere sarwar kar den

fazl itnā mire aaqā mire sarvar kar deñ

mujh ko yak zarra-e-taiba ke barābar kar deñ

ham na 'attār na ḳhushbū ke haiñ tājir ham to

naa't ke she'r paḌheñ bazm mo'attar kar deñ

'arsh vāloñ meñ unheñ yaad kiyā jaatā hai

farsh vaale jo kahīñ zikr-e-payambar kar deñ

tum ko lenā hai agar qartaba-e-hind to aao

in baḌī chhoTī lakīroñ ko barābar kar deñ

'ishq kahte haiñ ise tiin sau terah uTh kar

parcham-e-dīn-e-nabī 'arsh barābar kar deñ

manziloñ duur madīne se sadā aa.ī 'hosh'

dushman-e-dīñ kī taraf sāriya lashkar kar deñ

fazl itna mere aaqa mere sarwar kar den

mujh ko yak zarra-e-taiba ke barabar kar den

hum na 'attar na KHushbu ke hain tajir hum to

na't ke she'r paDhen bazm mo'attar kar den

'arsh walon mein unhen yaad kiya jata hai

farsh wale jo kahin zikr-e-payambar kar den

tum ko lena hai agar qartaba-e-hind to aao

in baDi chhoTi lakiron ko barabar kar den

'ishq kahte hain ise tin sau terah uTh kar

parcham-e-din-e-nabi 'arsh barabar kar den

manzilon dur madine se sada aai 'hosh'

dushman-e-din ki taraf sariya lashkar kar den