hai wird mere lab pe sada nam-e-mohamad
hai vird mire lab pe sadā nām-e-mohamād
dil par mire tahrīr hai paiġhām-e-mohammad
qur.ān hidāyat hai ye kab raaz rahā hai
ḳhilqat ke liye 'aam hai in'ām-e-mohammad
farmāyā hai rab ne yahī qur.ān meñ apne
ik faiz kā dariyā hai ye ilhām-e-mohammad
har naqsh-e-qadam un kā hai rahmat kī zamānat
khulte chale jaate haiñ dar-o-bām-e-mohammad
'bāsit' bhī shafā'at kā talabgār huā hai
likhtā hai zar-e-ashk se vo nām-e-mohamād
hai wird mere lab pe sada nam-e-mohamad
dil par mere tahrir hai paigham-e-mohammad
quran hidayat hai ye kab raaz raha hai
KHilqat ke liye 'am hai in'am-e-mohammad
farmaya hai rab ne yahi quran mein apne
ek faiz ka dariya hai ye ilham-e-mohammad
har naqsh-e-qadam un ka hai rahmat ki zamanat
khulte chale jate hain dar-o-baam-e-mohammad
'basit' bhi shafa'at ka talabgar hua hai
likhta hai zar-e-ashk se wo nam-e-mohamad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
