hum gharibon muflison ke aap jo data hue

ham ġharīboñ muflisoñ ke aap jo daatā hue

dām-e-ġhurbat se rihā ham log bhī aaqā hue

un kī jānib baḌhne vaale bhā ga.e allāh ko

duur un se hone vaale chār-sū rusvā hue

kar diyā apne karam se aap ne ham ko zabar

zer-e-pā ham aap ke jo sayyad-e-vālā hue

tīrgī meñ jī rahe the aap ke sadqe huzūr

diin kī pā kar ziyā ham log tābinda hue

ambiyā meñ avval-o-āḳhir unhī kī zaat hai

faḳhr-e-ādam jān-e-'īsā vālī-e-bat.hā hue

jin ko maulā ne banāyā shāfe'-e-yaum-un-nushūr

hauz-e-kausar ke vahī qāsim hue aaqā hue

aap haiñ vo aap haiñ shāh-e-madīna aap haiñ

jin kī eḌī kī chamak se taare raḳhshanda hue

ḳhāliq-e-akbar ne taiba ko kiyā dārushshifā

aamna ke lāDle jab dāḳhil-e-taiba hue

us muqaddas ghar kī 'azmat kyā hai jaane kibriyā

jis muqaddas ghar meñ paidā sāhib-e-isrā hue

āsmāñ manzil banā farzand-e-mariyam kī magar

lā-makāñ par jalva-gar kaunain ke nausha hue

ho rasūl-e-hāshmī ab lamha-e-vaslat 'atā

furqat-e-taiba ke hāthoñ jiite jī murda hue

sāhib-e-rif'at kiyā 'nāzāñ' unheñ allāh ne

kul rusul kul ambiyā se shāh-e-dīñ aa'lā hue

hum gharibon muflison ke aap jo data hue

dam-e-ghurbat se riha hum log bhi aaqa hue

un ki jaanib baDhne wale bha gae allah ko

dur un se hone wale chaar-su ruswa hue

kar diya apne karam se aap ne hum ko zabar

zer-e-pa hum aap ke jo sayyad-e-wala hue

tirgi mein ji rahe the aap ke sadqe huzur

din ki pa kar ziya hum log tabinda hue

ambiya mein awwal-o-aKHir unhi ki zat hai

faKHr-e-adam jaan-e-'isa wali-e-batha hue

jin ko maula ne banaya shafe'-e-yaum-un-nushur

hauz-e-kausar ke wahi qasim hue aaqa hue

aap hain wo aap hain shah-e-madina aap hain

jin ki eDi ki chamak se tare raKHshanda hue

KHaliq-e-akbar ne taiba ko kiya darushshifa

aamna ke laDle jab daKHil-e-taiba hue

us muqaddas ghar ki 'azmat kya hai jaane kibriya

jis muqaddas ghar mein paida sahib-e-isra hue

aasman manzil bana farzand-e-mariyam ki magar

la-makan par jalwa-gar kaunain ke nausha hue

ho rasul-e-hashmi ab lamha-e-waslat 'ata

furqat-e-taiba ke hathon jite ji murda hue

sahib-e-rif'at kiya 'nazan' unhen allah ne

kul rusul kul ambiya se shah-e-din aa'la hue