hamare dil ko ho kuchh aise justuju-e-rasul

hamāre dil ko ho kuchh aise justujū-e-rasūl

rahe zabān pe har vaqt guftugū-e-rasūl

ḳhudā ne kah diyā īmāñ usī kā kāmil hai

aziiz rakhtā hai jo jaañ se ābrū-e-rasūl

ye shaan dekho banā un kā har amal sunnat

vahī hadīs banī jo thī guftugū-e-rasūl

ye haal ishq-o-aqīdat kā thā sahāba kī

sañbhāl lete the har qatra-e-vuzū-e-rasūl

nabī kī hikmat-o-aḳhlāq kī chalī jab teġh

fidā-e-jān hue phir bahut adū-e-rasūl

vo ḳhvāb ḳhvāb hai 'gauhar' kā ḳhvāb meñ yā-rab

bas apne aap ko pā.ūñ maiñ rū-ba-rū-e-rasūl

hamare dil ko ho kuchh aise justuju-e-rasul

rahe zaban pe har waqt guftugu-e-rasul

KHuda ne kah diya iman usi ka kaamil hai

aziz rakhta hai jo jaan se aabru-e-rasul

ye shan dekho bana un ka har amal sunnat

wahi hadis bani jo thi guftugu-e-rasul

ye haal ishq-o-aqidat ka tha sahaba ki

sanbhaal lete the har qatra-e-wuzu-e-rasul

nabi ki hikmat-o-aKHlaq ki chali jab tegh

fida-e-jaan hue phir bahut adu-e-rasul

wo KHwab KHwab hai 'gauhar' ka KHwab mein ya-rab

bas apne aap ko paun main ru-ba-ru-e-rasul