har taraf sailab hai anwar hi anwar ka

har taraf sailāb hai anvār hī anvār kā

zikr hai shahr-e-nabī ke kūcha-o-bāzār kā

kashtī-e-'umr-e-ravāñ ko ġham ho kyoñ mañjdhār kā

dast-e-ahmad meñ hai jab dasta mirī patvār kā

husn-e-mahr-o-māh to husn-e-nabī kī den hai

aur roz-o-shab meñ sadqa gesū-o-ruḳhsār kā

mastī-e-jām-e-sharāb-e-'ishq kā hāsil na pūchh

ḳhaas tohfa hai nigāh-e-ahmad-e-muḳhtār kā

kaash ḳhvāboñ hī meñ baḳht-e-ḳhufta merā jaag uThe

ai zahe ‘izz-o-sharaf jalva mire sarkār kā

banda-e-majbūr kyā qur.ān bhī hai mo'tarif

sarvar-e-kaun-o-makāñ kī sīrat-o-kirdār kā

merī jholī meñ haiñ 'aḳhtar' do-jahāñ kī ne'mateñ

maiñ gadā huuñ rahmat-e-kaunain ke darbār kā

har taraf sailab hai anwar hi anwar ka

zikr hai shahr-e-nabi ke kucha-o-bazar ka

kashti-e-'umr-e-rawan ko gham ho kyon manjdhaar ka

dast-e-ahmad mein hai jab dasta meri patwar ka

husn-e-mahr-o-mah to husn-e-nabi ki den hai

aur roz-o-shab mein sadqa gesu-o-ruKHsar ka

masti-e-jam-e-sharab-e-'ishq ka hasil na puchh

KHas tohfa hai nigah-e-ahmad-e-muKHtar ka

kash KHwabon hi mein baKHt-e-KHufta mera jag uThe

ai zahe ‘izz-o-sharaf jalwa mere sarkar ka

banda-e-majbur kya quran bhi hai mo'tarif

sarwar-e-kaun-o-makan ki sirat-o-kirdar ka

meri jholi mein hain 'aKHtar' do-jahan ki ne'maten

main gada hun rahmat-e-kaunain ke darbar ka