ho tum mein koi shah-e-madina to dikha do

ho tum meñ koī shāh-e-madīna to dikhā do

yā'nī mire sarkār ke jaisā to dikhā do

us chehra-e-anvar kā bayāñ baa'd meñ karnā

pahle mire muḳhtār sā talvā to dikhā do

vo zulf jise haq ne dī val-lail se tā'bīr

ho rang koī aisā bhī gahrā to dikhā do

us shaah ke jaisā koī duniyā meñ shahanshāh

jo TuuTī chaTā.ī pe ho baiThā to dikhā do

sidra se pare ‘arsh-e-ilāhī pe ai logo

sarkār se pahle koī pahuñchā to dikhā do

ham ne to koī dūsrā ahmad nahīñ dekhā

ho tum ne agarche koī dekhā to dikhā do

aa.e to bahut duniyā meñ islām ke daa'ī

par aisā koī ek hī aayā to dikhā do

bin māñge ye bhar dete haiñ mohtājoñ ke dāman

dekhā ho mire aaqā sā aaqā to dikhā do

mahshar meñ jo ik ek kī farmā.e shafā'at

ho koī mohammad ke 'alāva to dikhā do

duniyā meñ kahīñ apne ġhulāmoñ ke liye 'nūr'

patthar jo shikam pe koī bāñdhā to dikhā do

ho tum mein koi shah-e-madina to dikha do

ya'ni mere sarkar ke jaisa to dikha do

us chehra-e-anwar ka bayan ba'd mein karna

pahle mere muKHtar sa talwa to dikha do

wo zulf jise haq ne di wal-lail se ta'bir

ho rang koi aisa bhi gahra to dikha do

us shah ke jaisa koi duniya mein shahanshah

jo TuTi chaTai pe ho baiTha to dikha do

sidra se pare ‘arsh-e-ilahi pe ai logo

sarkar se pahle koi pahuncha to dikha do

hum ne to koi dusra ahmad nahin dekha

ho tum ne agarche koi dekha to dikha do

aae to bahut duniya mein islam ke da'i

par aisa koi ek hi aaya to dikha do

bin mange ye bhar dete hain mohtajon ke daman

dekha ho mere aaqa sa aaqa to dikha do

mahshar mein jo ek ek ki farmae shafa'at

ho koi mohammad ke 'alawa to dikha do

duniya mein kahin apne ghulamon ke liye 'nur'

patthar jo shikam pe koi bandha to dikha do