jata hai zamana taraf-e-ku-e-mohammad

jaatā hai zamāna taraf-e-kū-e-mohammad

haiñ donoñ jahāñ vālih-e-gesū-e-mohammad

us lamha-e-pur-kaif pe sadqe ye zamāna

jab laa.e sabā nik.hat-e-gesū-e-mohammad

pur-nūr nahīñ mehr-o-mah o zarra-o-anjum

hai dahr meñ tābindagī-e-rū-e-mohammad

duniyā kī nigāhoñ se hameñ vāsta kyā hai

apnī to nigāheñ haiñ faqat sū-e-mohammad

ai mere ḳhudā ai mire ḳhāliq mire allāh

ham ko bhī dikhā de ruḳh-e-nekū-e-mohammad

haañ sūñgh ke dekho to har ik ġhuncha-o-gul ko

har ġhuncha-o-gul detā hai ḳhushbū-e-mohammad

ik lafz bhī kahtā nahīñ maiñ apnī zabāñ se

'bahzād' nazar hai taraf-e-kū-e-mohammad

jata hai zamana taraf-e-ku-e-mohammad

hain donon jahan walih-e-gesu-e-mohammad

us lamha-e-pur-kaif pe sadqe ye zamana

jab lae saba nikhat-e-gesu-e-mohammad

pur-nur nahin mehr-o-mah o zarra-o-anjum

hai dahr mein tabindagi-e-ru-e-mohammad

duniya ki nigahon se hamein wasta kya hai

apni to nigahen hain faqat su-e-mohammad

ai mere KHuda ai mere KHaliq mere allah

hum ko bhi dikha de ruKH-e-neku-e-mohammad

han sungh ke dekho to har ek ghuncha-o-gul ko

har ghuncha-o-gul deta hai KHushbu-e-mohammad

ek lafz bhi kahta nahin main apni zaban se

'bahzad' nazar hai taraf-e-ku-e-mohammad