jab bhi raaz-e-kun-fakan kahna paDa

jab bhī rāz-e-kun-fakāñ kahnā paḌā

rahmatoñ ko be-karāñ kahnā paḌā

ġhurbatoñ meñ gumbad-e-ḳhazrā kī chhāoñ

be-makānoñ kā makāñ kahnā paḌā

naġhma-e-tauhīd aur ‘ishq-e-rasūl

qissa-e-harf-e-azāñ kahnā paḌā

paañv us ne jis zamīñ par rakh diye

us zamīñ ko āsmāñ kahnā paḌā

pattharoñ meñ narm lahje kī bahār

dasht ko bhī gulsitāñ kahnā paḌā

vo musāfir phir vo andāz-e-safar

rah-guzar ko kahkashāñ kahnā paḌā

rahmatoñ kī fasl ke sachche gulāb

bāġhbāñ ko bāġhbāñ kahnā paḌā

ḳhūb-sūrat jism-o-jāñ kā ittihād

do nafas kā imtihāñ kahnā paḌā

vo ishāre phir mirā dast-e-hunar

sahl hai kār-e-jahāñ kahnā paḌā

rahmatoñ ke shaġhl ko muñh chāhiye

har suḳhan ko be-zabāñ kahnā paḌā

nā'tiya she'r-o-adab meñ ai 'ra.īs'

ek būḌhe ko javāñ kahnā paḌā

jab bhi raaz-e-kun-fakan kahna paDa

rahmaton ko be-karan kahna paDa

ghurbaton mein gumbad-e-KHazra ki chhaon

be-makanon ka makan kahna paDa

naghma-e-tauhid aur ‘ishq-e-rasul

qissa-e-harf-e-azan kahna paDa

panw us ne jis zamin par rakh diye

us zamin ko aasman kahna paDa

pattharon mein narm lahje ki bahaar

dasht ko bhi gulsitan kahna paDa

wo musafir phir wo andaz-e-safar

rah-guzar ko kahkashan kahna paDa

rahmaton ki fasl ke sachche gulab

baghban ko baghban kahna paDa

KHub-surat jism-o-jaan ka ittihad

do nafas ka imtihan kahna paDa

wo ishaare phir mera dast-e-hunar

sahl hai kar-e-jahan kahna paDa

rahmaton ke shaghl ko munh chahiye

har suKHan ko be-zaban kahna paDa

na'tiya she'r-o-adab mein ai 'rais'

ek buDhe ko jawan kahna paDa