jumla aa’dad se nai harf milane se khula

jumla ā’dād se nai harf milāne se khulā

hajla-e-'ilm tire ġhaar meñ aane se khulā

raat ke nisf ko ham sīna-e-shab jānte haiñ

shab kā siina tire qur.ān sunāne se khulā

ham pe kyā chhāñv tire dhuup meñ chalne se khulī

ham pe kyā rang tire zaḳhm uThāne se khulā

ye zamīñ ḳhaak kā ik Dher hī lagtī thī hameñ

ḳhaak kā rutba tire paañv lagāne se khulā

ham to gintī hī gine jaane ke dhoke meñ rahe

husn-e-tartīb tire baa'd meñ aane se khulā

dhīmā dhīmā to sitāre bhī batāte the magar

sang lau detā hai ye tere sirhāne se khulā

jumla aa’dad se nai harf milane se khula

hajla-e-'ilm tere ghaar mein aane se khula

raat ke nisf ko hum sina-e-shab jaante hain

shab ka sina tere quran sunane se khula

hum pe kya chhanw tere dhup mein chalne se khuli

hum pe kya rang tere zaKHm uThane se khula

ye zamin KHak ka ek Dher hi lagti thi hamein

KHak ka rutba tere panw lagane se khula

hum to ginti hi gine jaane ke dhoke mein rahe

husn-e-tartib tere ba'd mein aane se khula

dhima dhima to sitare bhi batate the magar

sang lau deta hai ye tere sirhane se khula