جملہ اعداد سے نے حرف ملانے سے کھلا

جملہ اعداد سے نے حرف ملانے سے کھلا

ھجلۂ علم ترے غار میں آنے سے کھلا

رات کے نصف کو ہم سینۂ شب جانتے ہیں

شب کا سینہ ترے قرآن سنانے سے کھلا

ہم پہ کیا چھاؤں ترے دھوپ میں چلنے سے کھلی

ہم پہ کیا رنگ ترے زخم اٹھانے سے کھلا

یہ زمیں خاک کا اک ڈھیر ہی لگتی تھی ہمیں

خاک کا رتبہ ترے پاؤں لگانے سے کھلا

ہم تو گنتی ہی گنے جانے کے دھوکے میں رہے

حسن ترتیب ترے بعد میں آنے سے کھلا

دھیما دھیما تو ستارے بھی بتاتے تھے مگر

سنگ لو دیتا ہے یہ تیرے سرہانے سے کھلا