kahūñ kyoñ na har-vaqt haa.e madīna
mirī zindagī hai fidā-e-madīna
mirā qalb-e-muztar khilā jā rahā hai
idhar aa ga.ī kyā havā-e-madīna
tufail-e-mohammad va āl-e-mohammad
ḳhudā ham saboñ ko dikhā.e madīna
vahāñ har qadam par sabā lauTtī hai
bahāroñ se pur hai fazā-e-madīna
yahī ārzū-e-dil-e-mubtalā hai
sunā de koī mājrā-e-madīna
haqīqat meñ hai ye mirī zindagānī
barā-e-mohammad barā-e-madīna
gadā tū hai 'bahzād' muztar yaqīnī
nahīñ chāhtā kuchh sivā-e-madīna
kahun kyon na har-waqt hae madina
meri zindagi hai fida-e-madina
mera qalb-e-muztar khila ja raha hai
idhar aa gai kya hawa-e-madina
tufail-e-mohammad wa aal-e-mohammad
KHuda hum sabon ko dikhae madina
wahan har qadam par saba lauTti hai
bahaaron se pur hai faza-e-madina
yahi aarzu-e-dil-e-mubtala hai
suna de koi majra-e-madina
haqiqat mein hai ye meri zindagani
bara-e-mohammad bara-e-madina
gada tu hai 'bahzad' muztar yaqini
nahin chahta kuchh siwa-e-madina
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.