karam hum gharibon pe farmane wale

karam ham ġharīboñ pe farmāne vaale

na aayā koī tujh sā ai aane vaale

tirī 'azmatoñ ko tirā rab hī jaane

ai tāhā-o-yāsīn kahlāne vaale

huī ibtidā-e-nubuvvat unhīñ se

vahī ḳhātma bhī haiñ farmāne vaale

jo jis kā hai khātā usī kī hai gaatā

tirī kyoñ na gaa.eñ tirā khāne vaale

ye āñkheñ bhī pyāsī haiñ dil bhī hai pyāsā

idhar ko bhī barsā de barsāne vaale

tirī mā'rifat ke safar meñ yaqīnan

bhaTak jā.eñge saare paimāne vaale

nahīñ hai unheñ is kā andāza shāyad

ki kyā pā ga.e haiñ tujhe paane vaale

karam hum gharibon pe farmane wale

na aaya koi tujh sa ai aane wale

teri 'azmaton ko tera rab hi jaane

ai taha-o-yasin kahlane wale

hui ibtida-e-nubuwwat unhin se

wahi KHatma bhi hain farmane wale

jo jis ka hai khata usi ki hai gata

teri kyon na gaen tera khane wale

ye aankhen bhi pyasi hain dil bhi hai pyasa

idhar ko bhi barsa de barsane wale

teri ma'rifat ke safar mein yaqinan

bhaTak jaenge sare paimane wale

nahin hai unhen is ka andaza shayad

ki kya pa gae hain tujhe pane wale