کرم ہم غریبوں پہ فرمانے والے

کرم ہم غریبوں پہ فرمانے والے

نہ آیا کوئی تجھ سا اے آنے والے

تری عظمتوں کو ترا رب ہی جانے

اے طہٰ و یاسین کہلانے والے

ہوئی ابتدائے نبوت انہیں سے

وہی خاتمہ بھی ہیں فرمانے والے

جو جس کا ہے کھاتا اسی کی ہے گاتا

تری کیوں نہ گائیں ترا کھانے والے

یہ آنکھیں بھی پیاسی ہیں دل بھی ہے پیاسا

ادھر کو بھی برسا دے برسانے والے

تری معرفت کے سفر میں یقیناً

بھٹک جائیں گے سارے پیمانے والے

نہیں ہے انہیں اس کا اندازہ شاید

کہ کیا پا گئے ہیں تجھے پانے والے