KHush-nasib is liye duniya mein hai ummat unki

ḳhush-nasīb is liye duniyā meñ hai ummat un kī

baḳhshvā.egī sar-e-hashr shafā'at un kī

saarī duniyā mujhe pur-nūr nazar aatī hai

dil meñ raushan hai mire sham'-e-mohabbat un kī

jāda-e-mā’rifat-e-haq meñ bhaTakne vaalo

haq-ta’ālā kī 'ibādat hai itā'at un kī

ambiyā pīchhe saf-ārā shab-e-me'rāj hue

saare nabiyoñ pe musallam hai imāmat un kī

allah allāh ye kāshāna-e-hazrat kā vaqār

aa.e jibrīl-e-amīñ le ke ijāzat un kī

kyoñ na mashġhūl rahūñ mid.hat-e-āñ-hazrat meñ

mere allāh ko marġhūb hai mid.hat un kī

ummatī rahmat-e-kaunain ke ham haiñ 'aḳhtar'

har qadam par hameñ hāsil hai himāyat un kī

KHush-nasib is liye duniya mein hai ummat un ki

baKHshwaegi sar-e-hashr shafa'at un ki

sari duniya mujhe pur-nur nazar aati hai

dil mein raushan hai mere sham'-e-mohabbat un ki

jada-e-ma’rifat-e-haq mein bhaTakne walo

haq-ta’ala ki 'ibaadat hai ita'at un ki

ambiya pichhe saf-ara shab-e-me'raj hue

sare nabiyon pe musallam hai imamat un ki

allah allah ye kashana-e-hazrat ka waqar

aae jibril-e-amin le ke ijazat un ki

kyon na mashghul rahun midhat-e-an-hazrat mein

mere allah ko marghub hai midhat un ki

ummati rahmat-e-kaunain ke hum hain 'aKHtar'

har qadam par hamein hasil hai himayat un ki