kis ne zarron ko uThaya aur sahra kar diya

kis ne zarroñ ko uThāyā aur sahrā kar diyā

kis ne qatroñ ko milāyā aur dariyā kar diyā

zinda ho jaate haiñ jo marte haiñ us ke naam par

allah allah maut ko kis ne masīhā kar diyā

shaukat-e-maġhrūr kā kis shaḳhs ne toḌā tilism

munhadim kis ne ilāhī qasr-e-kisrā kar diyā

kis kī hikmat ne yatīmoñ ko kiyā durr-e-yatīm

aur ġhulāmoñ ko zamāne-bhar kā aaqā kar diyā

kah diyā lā-taqnatū 'aḳhtar' kisī ne kaan meñ

aur dil ko sar-basar mahv-e-tamannā kar diyā

saat pardoñ meñ chhupā baiThā thā husn-e-kā.enāt

ab kisī ne us ko 'ālam-āshkāra kar diyā

ādmiyyat kā ġharaz sāmāñ muhayyā kar diyā

ik 'arab ne aadmī kā bol-bālā kar diyā

kis ne zarron ko uThaya aur sahra kar diya

kis ne qatron ko milaya aur dariya kar diya

zinda ho jate hain jo marte hain us ke nam par

allah allah maut ko kis ne masiha kar diya

shaukat-e-maghrur ka kis shaKHs ne toDa tilism

munhadim kis ne ilahi qasr-e-kisra kar diya

kis ki hikmat ne yatimon ko kiya durr-e-yatim

aur ghulamon ko zamane-bhar ka aaqa kar diya

kah diya la-taqnatu 'aKHtar' kisi ne kan mein

aur dil ko sar-basar mahw-e-tamanna kar diya

sat pardon mein chhupa baiTha tha husn-e-kaenat

ab kisi ne us ko 'alam-ashkara kar diya

aadmiyyat ka gharaz saman muhayya kar diya

ek 'arab ne aadmi ka bol-baala kar diya