koi bhi shaKHs agar wird-e-mustafa na kare

koī bhī shaḳhs agar vird-e-mustafā na kare

vo phir zabān se apnī koī du'ā na kare

vahāñ kī miTTī ko ḳhāk-e-shifā bhī kahte haiñ

marīz taiba ko jaa.e magar davā na kare

ḳhudā kare maiñ madīne meñ jā ke bas jā.ūñ

madīne jā na sakūñ maiñ kabhī ḳhudā na kare

vo jis ke dil meñ mohabbat na ho mohammad kī

ḳhudā kare ki koī us se bhī vafā na kare

abhī abhī ye maiñ vā'iz se kah ke aaya huuñ

koī kalām mohammad ke vo sivā na kare

vo shaḳhs jo ki mohammad kī yaad meñ royā

phir us kī aañkh se aañsū kabhī bahā na kare

use navāz diyā hai huzūr ne kitnā

bayān apnī du'ā meñ jo mudda'ā na kare

dar-e-habīb pe ik baar jo bhī ho aaya

tamām 'umr kisī kā vo aasrā na kare

asiir jā ke madīne meñ ho gayā 'nāsir'

ḳhudā ke vāste us ko koī rihā na kare

koi bhi shaKHs agar wird-e-mustafa na kare

wo phir zaban se apni koi du'a na kare

wahan ki miTTi ko KHak-e-shifa bhi kahte hain

mariz taiba ko jae magar dawa na kare

KHuda kare main madine mein ja ke bas jaun

madine ja na sakun main kabhi KHuda na kare

wo jis ke dil mein mohabbat na ho mohammad ki

KHuda kare ki koi us se bhi wafa na kare

abhi abhi ye main wa'iz se kah ke aaya hun

koi kalam mohammad ke wo siwa na kare

wo shaKHs jo ki mohammad ki yaad mein roya

phir us ki aankh se aansu kabhi baha na kare

use nawaz diya hai huzur ne kitna

bayan apni du'a mein jo mudda'a na kare

dar-e-habib pe ek bar jo bhi ho aaya

tamam 'umr kisi ka wo aasra na kare

asir ja ke madine mein ho gaya 'nasir'

KHuda ke waste us ko koi riha na kare