kunj-e-ehsas mein jalwon ka KHazina aae

kunj-e-ehsās meñ jalvoñ kā ḳhazīna aa.e

jab tasavvur meñ ruḳh-e-shāh-e-madīna aa.e

sub.h-e-sādiq kī ziyā ho ki shab-e-tāb kā nuur

dekh le 'aks to jalvoñ ko pasīna aa.e

mīm-e-ahmad kī tab-o-tāb ki allāh allāh

zau-fishāñ jaise añgūThī meñ nagīna aa.e

dīn-o-duniyā kī jo daulat bhī mile Thukrā duuñ

mere hisse meñ agar ḳhvāb-e-madīna aa.e

ashk Tapke haiñ lahū ban ke mirī āñkhoñ se

jab kabhī yaad mujhe haj kā mahīna aa.e

ban gayā hubb-e-nabī jaise sahārā dil kā

bahr-e-ālām meñ jab apnā safīna aa.e

pyaas kī aag bujhāne ke liye dekh 'shamīm'

jaam kausar kā liye shāh-e-madīna aa.e

kunj-e-ehsas mein jalwon ka KHazina aae

jab tasawwur mein ruKH-e-shah-e-madina aae

subh-e-sadiq ki ziya ho ki shab-e-tab ka nur

dekh le 'aks to jalwon ko pasina aae

mim-e-ahmad ki tab-o-tab ki allah allah

zau-fishan jaise anguThi mein nagina aae

din-o-duniya ki jo daulat bhi mile Thukra dun

mere hisse mein agar KHwab-e-madina aae

ashk Tapke hain lahu ban ke meri aankhon se

jab kabhi yaad mujhe haj ka mahina aae

ban gaya hubb-e-nabi jaise sahaara dil ka

bahr-e-alam mein jab apna safina aae

pyas ki aag bujhane ke liye dekh 'shamim'

jam kausar ka liye shah-e-madina aae