lab par mere jo zikr-e-shah-e-nam-dar hai

lab par mire jo zikr-e-shah-e-nām-dār hai

sall-e-‘alā kī bazm meñ har-sū pukār hai

yuuñ jo tajalliyoñ se fazā zar-nigār hai

shāyad nuzūl-e-rahmat-e-parvardigār hai

merī zabāñ pe nām-e-mohamād jab aa gayā

kaise kahūñ ki dil pe mujhe iḳhtiyār hai

paiham jo uTh rahā hai madīne kī yaad meñ

mere liye vo dard bahut ḳhush-gavār hai

faizān-e-girya-e-ġham-e-dūrī na pūchhiye

ashkoñ se dhul rahā hai jo dil kā ġhubār hai

adnā sā rabt zāt-e-mohammad se ho jise

vo dil hai ḳhush-nasīb vo ġham sāzgār hai

ab dil hai muztarib ġham-e-dūrī liye hue

ab raat ko hai chain na din ko qarār hai

jis meñ ho bū-e-'ishq-e-mohammad basī huī

sad-rashk-e-gulsitāñ vo dil-e-dāġh-dār hai

ḳhud ko nisār-e-sarvar-e-kaunain kar bhī de

kyā tujh ko aur jān-e-'hazīñ' intizār hai

lab par mere jo zikr-e-shah-e-nam-dar hai

sall-e-‘ala ki bazm mein har-su pukar hai

yun jo tajalliyon se faza zar-nigar hai

shayad nuzul-e-rahmat-e-parwardigar hai

meri zaban pe nam-e-mohamad jab aa gaya

kaise kahun ki dil pe mujhe iKHtiyar hai

paiham jo uTh raha hai madine ki yaad mein

mere liye wo dard bahut KHush-gawar hai

faizan-e-girya-e-gham-e-duri na puchhiye

ashkon se dhul raha hai jo dil ka ghubar hai

adna sa rabt zat-e-mohammad se ho jise

wo dil hai KHush-nasib wo gham sazgar hai

ab dil hai muztarib gham-e-duri liye hue

ab raat ko hai chain na din ko qarar hai

jis mein ho bu-e-'ishq-e-mohammad basi hui

sad-rashk-e-gulsitan wo dil-e-dagh-dar hai

KHud ko nisar-e-sarwar-e-kaunain kar bhi de

kya tujh ko aur jaan-e-'hazin' intizar hai