lillah karam kijiye sarkar-e-madina

lillāh karam kījiye sarkār-e-madīna

mujh ko bhī dikhā dījiye darbār-e-madīna

darbāroñ meñ darbār hai darbār-e-madīna

sab se baḌī sarkār hai sarkār-e-madīna

har-jā pe nazar aatī haiñ anvār-e-madīna

allāh rī ai sham.a-e-ziyā-bār-e-madīna

kuchh apne ġhulāmoñ kī ḳhabar hai ki nahīñ hai

yā-muttalabī sayyad-e-abrār-e-madīna

'bahzād' mujhe ḳhauf nahīñ roz-e-jazā kā

aaqā haiñ mire ahmad-e-muḳhtār-e-madīna

lillah karam kijiye sarkar-e-madina

mujh ko bhi dikha dijiye darbar-e-madina

darbaron mein darbar hai darbar-e-madina

sab se baDi sarkar hai sarkar-e-madina

har-ja pe nazar aati hain anwar-e-madina

allah ri ai shama-e-ziya-bar-e-madina

kuchh apne ghulamon ki KHabar hai ki nahin hai

ya-muttalabi sayyad-e-abrar-e-madina

'bahzad' mujhe KHauf nahin roz-e-jaza ka

aaqa hain mere ahmad-e-muKHtar-e-madina