madina-o-najaf-o-karbala mein rahta hai

madīna-o-najaf-o-karbalā meñ rahtā hai

dil ek vaz' kī āb-o-havā meñ rahtā hai

mire vajūd se bāhar bhī hai koī maujūd

jo mere saath salām-o-sanā meñ rahtā hai

mayassar aatī hai jis shab qiyām kī taufīq

vo saarā din mirā zikr-e-ḳhudā meñ rahtā hai

ġhulām-e-būzar-o-salmān dil ḳhushī ho ki ġham

hudūd-e-zāviya-e-hal-atā meñ rahtā hai

darūd pahle bhī paḌhtā huuñ aur baa'd meñ bhī

isī liye to asar bhī du'ā meñ rahtā hai

nikal rahī hai phir ik baar hāzirī kī sabīl

so kuchh dinoñ se dil apnī havā meñ rahtā hai

madina-o-najaf-o-karbala mein rahta hai

dil ek waz' ki aab-o-hawa mein rahta hai

mere wajud se bahar bhi hai koi maujud

jo mere sath salam-o-sana mein rahta hai

mayassar aati hai jis shab qiyam ki taufiq

wo sara din mera zikr-e-KHuda mein rahta hai

ghulam-e-buzar-o-salman dil KHushi ho ki gham

hudud-e-zawiya-e-hal-ata mein rahta hai

darud pahle bhi paDhta hun aur ba'd mein bhi

isi liye to asar bhi du'a mein rahta hai

nikal rahi hai phir ek bar haziri ki sabil

so kuchh dinon se dil apni hawa mein rahta hai