mahshar mein dikhawe koi aiwan-e-mohammad

mahshar meñ dikhāve koī aivān-e-mohammad

fariyād ye karte haiñ ġhulāmān-e-mohammad

maiñ apne gunāhoñ ko chhupā.ūñgā isī meñ

aa jaa.e jo hāthoñ meñ vo dāmān-e-mohammad

maiñ un kī batā.ī huī rāhoñ pe chalūñgā

qur.ān hai mere liye farmān-e-mohammad

vāqif nahīñ jannat ke makīñ daur-e-ḳhizāñ se

phūloñ se ladā hai vo gulistān-e-mohammad

vo chhāñv meñ rahmat kī bhī tā-'umr rahegā

ho jaa.e 'atā jis ko bhī 'irfān-e-mohammad

vo aag meñ hargiz bhī na dozaḳh kī jalegā

jis dil meñ ho thoḌā sā bhī īmān-e-mohammad

duniyā meñ jo shohrat mile is naa't ko 'nāsir'

hogā ye bahut ham pe to ehsān-e-mohammad

mahshar mein dikhawe koi aiwan-e-mohammad

fariyaad ye karte hain ghulaman-e-mohammad

main apne gunahon ko chhupaunga isi mein

aa jae jo hathon mein wo daman-e-mohammad

main un ki batai hui rahon pe chalunga

quran hai mere liye farman-e-mohammad

waqif nahin jannat ke makin daur-e-KHizan se

phulon se lada hai wo gulistan-e-mohammad

wo chhanw mein rahmat ki bhi ta-'umr rahega

ho jae 'ata jis ko bhi 'irfan-e-mohammad

wo aag mein hargiz bhi na dozaKH ki jalega

jis dil mein ho thoDa sa bhi iman-e-mohammad

duniya mein jo shohrat mile is na't ko 'nasir'

hoga ye bahut hum pe to ehsan-e-mohammad