masnad-nashin-e-mahfil-e-imkan hain aap hi

masnad-nashīn-e-mahfil-e-imkāñ haiñ aap hī

is anjuman kī sham'-e-farozāñ haiñ aap hī

mumkin nahīñ ki aap se maḳhfī ho koī raaz

rāz-āshnā-e-ḳhalvat-e-yazdāñ haiñ aap hī

ehsān haiñ ḳhudā ke jo is kā.enāt par

sab jānte haiñ bā'is-e-ehsāñ haiñ aap hī

haiñ shāhkār-e-qudrat-e-ḳhāliq ḳhudā gavāh

afsāna-e-hayāt kā 'unvāñ haiñ aap hī

hazrat kī zāt-e-pāk pe nāzāñ haiñ ambiyā

paiġhambarī ke taḳht pe sultāñ haiñ aap hī

yazdāñ hai jis ke ḳhulq-o-muravvat kā mad.h-ḳhvāñ

vo barguzīda banda-e-yazdāñ haiñ aap hī

kis kis karam kā shukr ho ai rahmat-e-'amīm

dāmān-e-ārzū meñ gul-afshāñ haiñ aap hī

ḳhāliq ne jis ko 'ilm-e-ladunnī 'atā kiyā

vo be-misāl sāhib-e-'irfāñ haiñ aap hī

ḳhāk-e-shifā huzūr ke rauze kī ḳhaak hai

rashk-e-masīh-o-'īsā-e-daurāñ haiñ aap hī

kal shab chahak rahe the jo bazm-e-huzūr meñ

'mahvī' vo ḳhush-navā vo ġhazal-ḳhvāñ haiñ aap hī

masnad-nashin-e-mahfil-e-imkan hain aap hi

is anjuman ki sham'-e-farozan hain aap hi

mumkin nahin ki aap se maKHfi ho koi raaz

raaz-ashna-e-KHalwat-e-yazdan hain aap hi

ehsan hain KHuda ke jo is kaenat par

sab jaante hain ba'is-e-ehsan hain aap hi

hain shahkar-e-qudrat-e-KHaliq KHuda gawah

afsana-e-hayat ka 'unwan hain aap hi

hazrat ki zat-e-pak pe nazan hain ambiya

paighambari ke taKHt pe sultan hain aap hi

yazdan hai jis ke KHulq-o-murawwat ka madh-KHwan

wo barguzida banda-e-yazdan hain aap hi

kis kis karam ka shukr ho ai rahmat-e-'amim

daman-e-arzu mein gul-afshan hain aap hi

KHaliq ne jis ko 'ilm-e-ladunni 'ata kiya

wo be-misal sahib-e-'irfan hain aap hi

KHak-e-shifa huzur ke rauze ki KHak hai

rashk-e-masih-o-'isa-e-dauran hain aap hi

kal shab chahak rahe the jo bazm-e-huzur mein

'mahwi' wo KHush-nawa wo ghazal-KHwan hain aap hi