meri ruh-e-rawan madina hai

merī rūh-e-ravāñ madīna hai

dil madīna hai jaañ madīna hai

hai madīna mirī nigāhoñ meñ

ye na pūchho kahāñ madīna hai

allah allāh us jagah kā uruuj

hasrat-e-do-jahāñ madīna hai

kyoñ na us par fidā hoñ do-ālam

jān-e-kaun-o-makāñ madīna hai

ai mire iztirāb-e-qalb-o-jigar

mujh ko le chal jahāñ madīna hai

martaba us kā koī kyā jaane

markaz-e-'ārifāñ madīna hai

kyā batā.ūñ kisī ko maiñ 'bahzād'

mere vird-e-zabāñ madīna hai

meri ruh-e-rawan madina hai

dil madina hai jaan madina hai

hai madina meri nigahon mein

ye na puchho kahan madina hai

allah allah us jagah ka uruj

hasrat-e-do-jahan madina hai

kyon na us par fida hon do-alam

jaan-e-kaun-o-makan madina hai

ai mere iztirab-e-qalb-o-jigar

mujh ko le chal jahan madina hai

martaba us ka koi kya jaane

markaz-e-'arifan madina hai

kya bataun kisi ko main 'bahzad'

mere wird-e-zaban madina hai