mera raaz kab mera raaz hai use kis tarah rakhun raaz mein

mirā raaz kab mirā raaz hai use kis tarah rakhūñ raaz meñ

mirī zindagī mirī aabrū to hai dast-e-banda-navāz meñ

huā rāz-e-ḳhās bhī munkashif nahīñ kuchh bhī parda-e-rāz meñ

jo chhupā thā parda-e-rāz meñ vo ayaañ huā hai hijāz meñ

ye jo pāñch vaqt haiñ sar jhuke ye jo bande banda-numā bane

ye usī ke lutf kā faiz hai ki jhuke haiñ dil bhī namāz meñ

ye usī ne parda uThā diyā ye usī ne sab ko batā diyā

nahīñ farq zarra-o-mehr meñ nahīñ farq shāh-o-ayāz meñ

maiñ ye samjhūñ mujh ko atā huī na.ī sarḳhushī na.ī zindagī

agar ek baar bhī jā mile mujhe sarzamīn-e-hijāz meñ

koī jaane kyā ye haqīqateñ ye haqīqateñ haiñ haqīqateñ

vahī naġhma parda-e-qalb meñ vahī naġhma parda-e-sāz meñ

sabā dard-e-dil ba-huzūr kah ba-qarīb kah ki ba-dūr kah

mirā hāl-e-zār zarūr kah jo guzar ho terā hijāz meñ

mera raaz kab mera raaz hai use kis tarah rakhun raaz mein

meri zindagi meri aabru to hai dast-e-banda-nawaz mein

hua raaz-e-KHas bhi munkashif nahin kuchh bhi parda-e-raaz mein

jo chhupa tha parda-e-raaz mein wo ayan hua hai hijaz mein

ye jo panch waqt hain sar jhuke ye jo bande banda-numa bane

ye usi ke lutf ka faiz hai ki jhuke hain dil bhi namaz mein

ye usi ne parda uTha diya ye usi ne sab ko bata diya

nahin farq zarra-o-mehr mein nahin farq shah-o-ayaz mein

main ye samjhun mujh ko ata hui nai sarKHushi nai zindagi

agar ek bar bhi ja mile mujhe sarzamin-e-hijaz mein

koi jaane kya ye haqiqaten ye haqiqaten hain haqiqaten

wahi naghma parda-e-qalb mein wahi naghma parda-e-saz mein

saba dard-e-dil ba-huzur kah ba-qarib kah ki ba-dur kah

mera haal-e-zar zarur kah jo guzar ho tera hijaz mein