مرا راز کب مرا راز ہے اسے کس طرح رکھوں راز میں

مرا راز کب مرا راز ہے اسے کس طرح رکھوں راز میں

مری زندگی مری آبرو تو ہے دست بندہ نواز میں

ہوا راز خاص بھی منکشف نہیں کچھ بھی پردۂ راز میں

جو چھپا تھا پردۂ راز میں وہ عیاں ہوا ہے حجاز میں

یہ جو پانچ وقت ہیں سر جھکے یہ جو بندے بندہ نما بنے

یہ اسی کے لطف کا فیض ہے کہ جھکے ہیں دل بھی نماز میں

ی اسی نے پردہ اٹھا دیا یہ اسی نے سب کو بتا دیا

نہیں فرق ذرہ و مہر میں نہیں فرق شاہ و ایاز میں

میں یہ سمجھوں مجھ کو عطا ہوئی نئی سر خوشی نئی زندگی

اگر ایک بار بھی جا ملے مجھے سرزمین حجاز میں

کوئی جانے کیا یہ حقیقتیں یہ حقیقتیں ہیں حقیقتیں

وہی نغمہ پردۂ قلب میں وہی نغمہ پردۂ ساز میں

صبا درد دل بہ حضور کہہ بہ قریب کہہ کہ بہ دور کہہ

مرا حال زار ضرور کہہ جو گزر ہو تیرا حجاز میں