mohammad ke dam se hai shan-e-risalat

mohammad ke dam se hai shān-e-risālat

mohammad haiñ ḳhud āsmān-e-risālat

fazā-e-zamāna pe chhāyā huā hai

bahār-āshnā gulsitān-e-risālat

rasūloñ meñ un ko milī sar-bulandī

mohammad haiñ bas āsmān-e-risālat

risālat tire naam par ḳhud hī nāzāñ

maiñ qurbāñ tire qadr-dān-e-risālat

nabī to bahut se zamāne meñ aa.e

baḌhī hī tujhī se ye shān-e-risālat

hai qur.ān shāhid vah.y ḳhud hai shāhid

lisān-e-ḳhudā hai lisān-e-risālat

bulā liije 'bahzād' ko bhī madīne

ki 'bahzād' hai mad.h-ḳhvān-e-risālat

mohammad ke dam se hai shan-e-risalat

mohammad hain KHud aasman-e-risalat

faza-e-zamana pe chhaya hua hai

bahaar-ashna gulsitan-e-risalat

rasulon mein un ko mili sar-bulandi

mohammad hain bas aasman-e-risalat

risalat tere nam par KHud hi nazan

main qurban tere qadr-dan-e-risalat

nabi to bahut se zamane mein aae

baDhi hi tujhi se ye shan-e-risalat

hai quran shahid wahy KHud hai shahid

lisan-e-KHuda hai lisan-e-risalat

bula lije 'bahzad' ko bhi madine

ki 'bahzad' hai madh-KHwan-e-risalat