na pūchho ki kyā haiñ madīne kī galiyāñ
kise kyā patā haiñ madīne kī galiyāñ
har ik zarre par māh-o-anjum tasadduq
baḌī pur-ziyā haiñ madīne kī galiyāñ
vahāñ kā har ik zarra mushkil-kushā hai
mirā aasrā haiñ madīne kī galiyāñ
haqīqat na pūchho haqīqat to ye hai
haqīqat-numā haiñ madīne kī galiyāñ
jabīñ merī jhuk jhuk ke ye kah rahī hai
mirā mudda.ā haiñ madīne kī galiyāñ
nigāheñ haiñ betāb-e-dīd-e-madīna
nazar kī davā haiñ madīne kī galiyāñ
ye bīmār-e-hijr-e-nabī ko batā do
ki dārushshifā haiñ madīne kī galiyāñ
chalo sāz-o-sāmāñ kī hājat nahīñ hai
agar dekhnā haiñ madīne kī galiyāñ
maiñ 'bahzād' vo bandagī kar rahā huuñ
ki jin kā sila haiñ madīne kī galiyāñ
na puchho ki kya hain madine ki galiyan
kise kya pata hain madine ki galiyan
har ek zarre par mah-o-anjum tasadduq
baDi pur-ziya hain madine ki galiyan
wahan ka har ek zarra mushkil-kusha hai
mera aasra hain madine ki galiyan
haqiqat na puchho haqiqat to ye hai
haqiqat-numa hain madine ki galiyan
jabin meri jhuk jhuk ke ye kah rahi hai
mera muddaa hain madine ki galiyan
nigahen hain betab-e-did-e-madina
nazar ki dawa hain madine ki galiyan
ye bimar-e-hijr-e-nabi ko bata do
ki darushshifa hain madine ki galiyan
chalo saz-o-saman ki hajat nahin hai
agar dekhna hain madine ki galiyan
main 'bahzad' wo bandagi kar raha hun
ki jin ka sila hain madine ki galiyan
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.